【戰報】「蕭巴: 我覺得可以」無人會用既“雙源始” – VGC19 HK Midseason Showdown 2018/10/21 Runner-Up Team Report





好啦咁唯有寫啦

____________________________________________________________________

戰報簡介

大家好,我係Hugo,今次用既係一個無人用既核心-“雙源始”,成績係PC8強,MSS第2,依隊隊伍完成度大概係7/10,係可以一戰OPEN既等級所以十分滿意,隊伍既思路係我一直都好鐘意既火水草,成績都唔錯所以同大家分享一下:3

10月7號PC結果
10月21號MSS結果

“雙源始”係16係一個好強勢既core,相信有留意開我既都知道火水草聯防型隊伍一直都係我既菜,例如15既奇異花火鋼,17既FAKEPG類隊伍,18既FINI火鋼等等,但“雙源始”黎到19即使有大神Aaron一度既推廣依然無人問津,最近一次traintower既隊伍參考入面”完全”無提過“雙源始”依個組合…..

無錯,以上就係traintower介紹既各個組合,係依個連毛筆都唔識點晴既sun season入面,”雙源始”另一對豐緣雙神蓋烈都有被提及,而”雙源始”係被無視左……

_____________________________________________________________________

隊伍構成
我第1個參加既19規比賽係MPL既MPL2019第一屇OC,當時想玩白冰龍,所以參考左16既重力白冰固勾魂眼加埋哥德參賽,順帶一提澳門的成績:

(陳生大亂鬥)



而MPL既比賽本身一次就大約要打一個月比較長既時間,而因為當大概打到一半既時候,隊白冰固一直演變緊,最後仲變左凍風自吹自擂fini再變凍風重力fini,中間有十多個版本所以唔一一解說了。演變圖如下(由下至上),有一部分版本係手機無顯示 同埋DELE左好多  唔好問點解最底個隊同最上個隊咁大分別佢地真係呀媽同呀仔既關係 

_____________________________________________________________________

隊伍優劣點

因為版本咁多就唔仔細一一解釋組隊既演變啦,就簡單解釋一下隊伍既優劣點啦:

  • ”雙源始”有強大既天氣控制權
  • 奇異花係一隻超強大既反meta草系,且同”雙源始”有非常唔錯既相性
  • Fini既招式可以優秀地支援“雙源始”
  • 無得原始既固拉多會開晴天比火貓打自己,但雨天下既固拉多表示我可以
  • ”雙源始”可以開心無腦轟炸對面
  • 奇異花真係好勁所以要提多次
  • 奇異花真係好勁好勁所以要提第3次

而缺點如下:

  • 豐緣雙神好怕草系(奇異花完全克制所有草系+晴天火貓無雙)
  • 豐緣雙神命中不飽和(單體必中技+重力解決)
  • 奇異花怕火貓(豐緣雙神針對)
  • 怕Y(壘磊石針對)
  • 整隊偏慢所以怕順風(壘磊石欺空針對)
  • 整隊依賴控速(神獸規共通點)
  • 壘磊石欺空怕叉字蝠/風雲等順風手挑撥(壘磊石防挑毛)
  • 壘磊石欺空/欺空下怕對手既豐緣雙神比已方豐緣雙神慢反害自己(無啦你輸左啦)
  • 日蝕欺空+慢隻蓋歐卡+甜冷美后(無啦你真係輸左啦)

結論:成也控速敗也控速

_____________________________________________________________________

隊伍簡介

Groudon @ Life Orb 

Ability: Drought 

Level: 50 

EVs: 28 HP / 252 Atk / 4 Def / 108 SpD / 116 Spe 

Adamant Nature 

– Thunder Punch 

– Protect 

– Precipice Blades 

– Stomping Tantrum 

隊伍中既第1隻神,由最初通街係速專蓋既時候我就一直用到依家既神獸,最近速專蓋使用率一直下降令我覺得有需要一點調整……因為用左一個半月既關係,途中都試左種種唔同設定同招式既固既SETTING,例如頭巾型、回血果劍舞,但無需SET UP又可以用保護既命玉型最得我歡心。招式方面作為唔係火系既固拉多我覺得未必一定要用火拳或火系招式,相對地作為水系飛行系打點既電拳我覺得好唔錯,一般地招打唔入既情況都可以作為補盲,而本身隊伍對草系有一定針對度且本身常見草系有一部分都能夠用地面系攻擊,例如紙御劍、奇異花、精靈球菇等。最後即使隊伍中有重力,踩腳依然係一招我好鐘意固拉多既配招,安定既命中加上唔怕廣防,一般都能夠係關鍵既回合帶比我安心同期望既結果。

Kyogre @ Mago Berry 

Ability: Drizzle 

Level: 50 

EVs: — / 108 Spe 

Modest Nature 

IVs: 0 Atk 

– Scald 

– Origin Pulse 

– Thunder 

– Protect 

隊伍中既第2隻神,由於最初白冰龍配固拉多既組合非常難對抗火貓而換成,作為最高使用率既火貓既克星,能夠為幫對手放晴天打自己既叛徒固拉多帶黎掩護,同時有重力既相性同勁高既破壞力。除此之外仲能夠為本隊核心-奇異花減少火系弱點。使用率尾2

圖為15年我既奇異花REPORT圖

Venusaur @ Life Orb > Expert Belt(PC) > Sitrus Berry(MSS)

Ability: Chlorophyll 

Level: 50 

EVs: 244 SpA / 12 SpD / 252 Spe 

Modest Nature 

IVs: 0 Atk 

– Hidden Power [Fire] 

– Grass Knot 

– Sludge Bomb 

– Protect 

隊伍中既第3隻神,作為一隻能夠打大量META上既精靈既佢係本隊伍入面使用率最高,比起火貓及固拉多仲要高,可以話係本隊伍既真正核心。環境因為固拉多無原始進化關係,草系成為一個極熱門既對豐緣雙神既打點同抗性,各草鋼精靈、樂天河童、甜冷美后等都係唔錯既選擇。奇異花打點同特性都奇異地好,而且奇異花同豐緣雙神相性奇高,一方面能為利用晴天增加速度,另一方面可以利用雨天對抗火系,草系打點可以針對對手既豐緣雙神,再者毒系打點可以克制最流行既神獸X神,再再者豐緣雙神既共通弱點草系可以用奇異花既毒系解決。作為一隻本隊伍既草系克星,點可以打唔入草鋼系眾,所以我就決定配上醒火,一眾紙劍會覺得自己抗毒抗草,係克住你而企定定係度食你一招醒火,晴天下的話背心紙劍同樣能秒。近期X神同蓋都有為擋命玉奇異花而增加特防,所以道具改為回血果以增加續戰力。如果熟我既會知道,我一直都覺得草系係一個好強大既防守屬性,所以我傾向會用草系食招所以唔用一血巾,比如擋對手既水系招式。

Incineroar @ Figy Berry 

Ability: Intimidate 

Level: 50 

EVs: —-

Sassy Nature

IVs: ? Spe   

– Flare Blitz 

– Knock Off 

– Fake Out 

– U-turn 

隊伍中既第4隻神,下馬威、火系打點、叩落、威嚇、人人喜愛、有種不用。

Tapu Fini @ Wiki Berry 

Ability: Misty Surge 

Level: 50 

EVs: 252 HP / 92 SpD / 164 Spe 

Calm Nature 

IVs: 0 Atk 

– Swagger(PC前) > Gravity(PC) 

– Icy Wind 

– Haze 

– Heal Pulse(PC前) > Nature’s Madness(PC) 

升級版既豐緣雙神隊中既月女,重力控速本來就係豐緣雙神最需要既支援,場地防控加上回血支援或自然之怒助攻都好優勢,自吹自擂更係大家愛用既招式,PC前一直有掙扎要重力定自吹自擂,最後決定用重力增加穩定性,而治療波動雖然利害不過自然之怒更有助帶動節奏,而且比自吹自擂更穩定(高5命中)以及能夠配合蓋歐卡。每次我試隊換走佢之後都會覺得好錯w

+2 252 SpA Fairy Aura Xerneas Moonblast vs. 252 HP / 92+ SpD Tapu Fini: 145-172 (81.9 – 97.1%) — guaranteed 2HKO

Stakataka @ Safety Goggles(PC) > Mental Herb(MSS)

Ability: Beast Boost 

Level: 50 

EVs: 236 HP / 228 Atk / 44 SpD 

Brave Nature 

IVs: 0 Spe 

– Wide Guard(PC) > Protect(MSS) 

– Trick Room 

– Gyro Ball 

– Rock Slide 

豐緣雙神(外加X神)已經被奇異花好好咁針對,而另一對好常見既卡洛斯雙神就唔太好打,Y神抗地同高速,有一定對豐緣雙神既優點,所以一般而言對上所有Y軸都會比較辛苦,而且9月尾10月頭既環境有一定數量既XY,所以入面岩鋼屬性打點並自帶欺空既異獸-百目鬼 萬里長城。數值唔減防係因為覺得防禦力愈高愈好,而經驗話比我知,物攻向Y神表示痛苦。起初使用唔太覺得相性好,但後來愈用愈好愈高使用率,覺得佢係隊伍入面既位置非常唔錯,例如本身主要依賴凍風控速所以令到順風成為一大弱點而欺空既佢可以補上依個弱點,岩系打點可以COVER主打手固拉多地點打點係無重力下打唔到飛行系既問題,鋼系打點變相我無必要同時帶上FINI同壘磊石以對抗X神,又或者說可以同時用2個對抗手段,不過因為有奇異花關係所以一般會係對方有有精靈球菇而同時我有需要用欺空先會同時帶FINI同佢。用保護原因有2,一佢唔係主要核心所以使用率相較其他成員高,二作為針對部分精靈既佢一般對手會有相應對佢既對策,無保護真係弱好多,另外三招係本隊鎖定唔可以換走。道具係因為有FINI唔太需要用眼鏡對抗菇而且用得欺空或者佢就係想對付各順風眾但佢地一般會自帶挑撥例叉字蝠、龍卷雲,所以換成作挑毛。

_________________________________________________________

常用首發

對X+蓋:花+固 後發FINI+火貓或蓋

對X+固:花+火貓/固 後發FINI+壘磊石以外

對X+Y:火貓或奇異花+壘磊石 後發視乎情況

對蓋+Y:奇異花+壘磊石 後發固+視乎情況

對月X:FINI+火貓 後發視乎情況

唔知點打好:蓋+固 後發奇異花火貓

其實火水草聯防聯攻隊有個特質就係彈性大同多變,派出用咩精靈都係睇心情同情況www多用腦筋就會諗到要派乜上場嫁啦:P

不過又唔係亂咁諗既,每次审應該考慮需要用咩打點、抗性、控速同戰術都係好重要!(但又唔係太隨心,唔好學我打白龍唔帶蓋)

____________________________________________________________

對戰影片

Game1 VS Roy Sir W
Roy Sir係常見既固X組合所以有一定既經驗,主要用奇異花火貓處理,怕鋼鐘會眠所以帶上FINI, Roy Sir失誤送左一個欺空比我其中一隻神獸所以比我隻神獸1殺3。

Game2 VS Cryus Or W

被完克隊伍…..但一個HAX送我一場勝利

片好無營養所以唔放啦

Game3 VS Mak To L

最近調整左防挑巾壘磊石但因為對手一直無放雨天比我控制節奏得好好最後被佢成功控速,好好咁處理左我既黃金欺空時段。

Game4 VS Billy W

係帕路奇亞! 如果大家有仔細留意我選精靈組隊既時候會發現我大多都係放入針對環境既精靈加上強大既豐緣雙神作為輸出,而帕路奇亞正正係針對到豐緣雙神而且作為環境外既佢令我無一定既對策……對手打法被動同被FINI凍風牽制所以勝出。

Game5 VS 忘了名字 W

雖然唔記得左名我仲記得樣嫁ww係一位來自來內地既朋友,係上一次時代廣場regional認識既朋友。一開頭對手既蓋比我固更慢成功搶速,令到個情勢好劣勢!好彩對手唔清楚我既戰術誤以為我係自吹自擂流換上蝶蝶被我一波推走。

Game6 VS TLT W

好運! TLT係當輪唯一全勝既選手,對上佢代表住我必定能夠top cut,勝敗只會影響我係淘汰賽階段既對手,因為我認為TL既隊伍唔太好對付,如果贏佢我大概會係決賽先會對上佢,如果輸8或4強我地好大機會對上。所以我決定可以既話情布最少曝光下盡量打敗佢。而TL明顯想盡量減低情布曝光所以無帶上我最唔希望對上既2隻精靈。

Quarter final VS Alvin FU WLW

依一場對上佢就好快聯想起當時16年最後一場神獸戰,我8強既對手正正係佢。佢本人表示話好想櫻花寶可以上電視可惜我就無比依個機會佢啦。櫻花寶係佢隊伍入面既一隻草系,所以好多次我都盡量狙擊佢,game1係我讀中佢之後拎左好大優勢勝出。game2一直都有上風但係比佢好好運地固拉多根性1血逆轉。Game3同上一場相反一直都係逆轉但好好運地還運比我單體命中要害收走櫻花寶逆轉。

Semi final VS Will WW

係速專蓋呀! 好感動呀終於遇到一隻!game1對手派對針對豐緣雙神既紙劍但係被我奇異花收走,之後優勢一直順推帶走。

因為game1既壓力關係對手唔再夠膽首發出紙劍,我順利地用上壘磊石欺空針對龍卷雲既戰術,速專蓋同x神都無法係欺空下活躍,一個欺空拎盡優勢一直順勢帶走。

Final LWL

打到好攰(平時無乜練習+對面克隊+對面好清楚我隊野)

片好無營養所以唔放啦

輸左之後我成晚都諗可以點打

結論係我最多拎到55波既優劣勢,相反對手最少拎到55波

媽呀點打……

完 多謝各位支持睇到依一句,十分感激,有緣再寫:3

hugo

Pokémon VGC 2015 APAC 22th, Pokémon VGC commentator in Hong Kong, Hong Kong VGC Organizing assistant, YouTube: youtube.com/hugo0379

您可能也會喜歡…